October 26, 2021

Rwandanews24

Publishing Factual, verified and accurate stories

Ifoto yo gushyira kuri Instagram yatumye Umukobwa avunika amaguru yombi

YASUWE 24 

Umukobwa w’imyaka 23 wo muri Mexique  yahanutse kuva muri metero 24 z’uburebure ku nyubako y’inzu atuyemo y’amagorofa agera kuri 6, ahita avunika amaguru yombi, ndetse n’ibindi bice birangirika ubwo yageragezaga gufata ifoto nziza yo gushimisha abantu kuri Instagram.

Aha niho Alexa Terrazas yahanutse

Nkuko The Mirror yabitangaje, taliki ya 29 Kanama 2019, Alexa Terrazas ukomoka I San Pedro muri Mexico, yakoze impanuka ahanutse ku ibaraza ry’inyubako abamo igeretse gatandatu, ubwo yageragezaga kujya ahantu ari bufate ifoto itangaje yo gushimisha abamukurikira kuri Instagram.

Ifoto yafashwe n’umuturanyi we mbere y’uko iyi mpanuka iba yashyizwe  kuri Twitter ikomeza gucicikana bivugwa ko yanyereye akamanuka akagwa mu mbuga ubwo yagerageza gufata ifoto.

Nkuko byakomeje gutangazwa uyu Terrazas yahise ajyanwa kubitaro kugira ngo abagwe, igikorwa cyatwaye amasaha agera kuri 11, ubuzima bwe bukaba bwari buri mu marembera gusa yavunitse amaguru yombi, amaboko, ibibero n’umutwe nabyo birangirika. Bikaba byaratangajwe ko uyu mukobwa ashobora kuzamara imyaka igera kuri 3 adashobora kugenda.

Nkuko The Sun yabitangaje, uku guhanuka kwafashwe nk’impanuka kuko haba aho ku ibaraza yari ari, ndetse no ku byuma bitangira abantu yari afasheho byagaragaye ko nta kintu na kimwe kigeze cyangirika.

Kuri ubu inshuti ndetse n’umuryango bakomeje gusengera uyu mwana w’umukobwa ngo barebe ko yakongera kumera neza.