October 26, 2021

Rwandanews24

Publishing Factual, verified and accurate stories

Zimbabwe: Igipolisi cyashyamiranye n’ishyaka MDC

YASUWE 23 

Igipolisi mu gihugu cya Zimbabwe cyakoresheje imyuka iryana mu maso ku bari mu myigaragambyo  yo kwamagana leta mu  murwa mukuru  Harare.

Nelson Chamisa uyoboye umutwe utavuga rumwe na leta, Movement for Democratic Change, (MDC, mu magambo ahinnye y’icyongereza)  avuga ko abantu 7  bakomeretse, harimo umwe urembye bikomeye. Atangaza ko abantu 80 bahagaritswe. Ishyaka  MDC niryo  ryatangiye iyo myigaragambyo.

Chamisa yatangaje mu kiganiro n’abanyamakuru ko batazarekera kugeza bageze kuri leta y’abanyagihugu. Avuga ko bazakomeza imyigaragambyo.

Ibyo yabitangaje  nyuma y’umusi waranzwe no gushyamirana  hagati y’igipolisi n’abatavuga rumwe na leta bari mu myigaragambyo.

Abari mu myigaragambyo  amajana n’amajana bakoraniye mu kibanza cyitiriwe ubumwe bwa Afrika hagati mu murwa mukuru wa Zimbabwe  Harare. Ibyo naho igipolisi cyari cyaziririje imyigaragambyo. Iyo ngingo y’igipolisi yari yashyigikiwe n’ urukiko rukuru rw’ Igihugu.

Igipolisi cyarashe imyuka iryana mu maso mu rwego rwo kubatatanya,  bahungira  mu duce two hafi yaho. Cyakoresheje inembo mu gukubita abantu batari bake nk’uko voa yabitangaje.