October 19, 2021

Rwandanews24

Publishing Factual, verified and accurate stories

Camera zo ku mihanda nizo zafashe Minisitiri Busingye akoresha umuvuduko ukabije acibwa amande y’ibihumbi 50

YASUWE 21 

Minisitiri w’Ubutabera akaba n’Intumwa Nkuru ya Leta, Johnston Busingye, yabaye umwe mu bagezweho n’ibihano by’amakosa yo mu muhanda batwara ibinyabiziga, ubwo yandikirwaga ibihumbi 50 Frw kubera umuvuduko ukabije, wapimwe na camera zashyizwe ku mihanda.

Kuri uyu wa Gatatu Minisitiri Busingye yari mu Ntara y’Iburasirazuba aho yakoreye imirimo itandukanye, irimo gusura Gereza y’abagore ya Ngoma, akagezwaho ibibazo bitandukanye abafungiwemo bafite.

Mu butumwa yashyize kuri Twitter, Busingye yagaragaje ko uburyo bwashyizweho bwo gucunga umutekano w’abakoresha umuhanda buhuriweho na Irembo, bumaze kugeza umutekano wo mu muhanda ku rundi rwego hifashishijwe camera, ku buryo na we yandikiwe ibihumbi 50 Frw.

Yongeyeho ati “Nzayishyura.”

Busingye Johnston@BusingyeJohns

Irembo and Traffic take efficiency 2 the next level! A camera caught us overspeeding a short while ago & now an automated fine bill;

14/08/2019:Over speeding:81 by RAD991V,Ticket#:1014081974741 Location:Gihuta, Bill ID:190814403265, Frw:50,000, Pay by:18-08-2019

I’ll pay

615

9:47 AM – Aug 14, 2019

Twitter Ads info and privacy

236 people are talking about this

Izi Camera ziri ku mihanda itandukanye zikozwe mu ikoranabuhanga ndetse zifite uburyo zikurikirana abatwara ibinyabiziga batakurikije amategeko yo mu muhanda, nyir’ikinyabiziga agahita abona ubutumwa bw’amande yaciwe bitewe n’ikosa yakoze.

Ubusanzwe abayobozi bakuru b’igihugu, bitewe n’imirimo bashinzwe, bagenerwa ubudahangarwa ku bikorwa bimwe na bimwe. Uretse kuba byakozwe na camera, ntibisanzwe ko umupolisi wo ku muhanda yapfa kwandikira minisitiri kubera umuvuduko yaba arimo kugenderaho.