October 16, 2021

Rwandanews24

Publishing Factual, verified and accurate stories

Umusifuzi w’umugore mu mukino wa UEFA Super Cup 2019 ngo nta bwoba bimuteye ahubwo ngo bigomba kubera urugero abandi.

YASUWE 16 

Umusifuzi w’umugore Stephanie Frappart niwe musifuzi mukuru mu mukino w’igikombe cya UEFA Super Cup 2019 aravuga ko nubwo bidasanzwe kandi bitoroshye gusa ngo nta bwoba bimuteye ahubwo ngo bigomba kubera urugero abandi nabo bakumva ko bishoboka.

Frappart w’imyaka 35 yatangiye gusifura nk’umusifuzi wemewe kurwego rwa FIFA kuva mu mwaka wa 2009, akaba yaragiye asifura imikino ikomeye myinshi itandukanye gusa akaba ari ubwambere mu mateka agiye gusifura umukino w’abagabo ukomeye cyane ku rwego mpuzamahanga nk’uru.

Mu kwezi kwa kane uyu mwaka nibwo Frappart yemejwe hariya mu gihugu cy’ubufaransa nk’umusifuzi wambere w’umugore wemewe mu cyiciro cyambere mu mupiara w’amaguru mu gihugu cy’Ubufarans(Ligue 1), umukino wambere yasifuye mu kiciro cyambere mu gihugu cy’Ubufaransa ni uwahuzaga SC Amiens na RC Steasbourg.

Taliki 2 Kanama 2019 nibwo Stephanie Frappart yemejwe nk’umugore rukumbi uzaba akuriye umukino wa UEFA Super Cup 2019.

Ku mukino wa UEFA Super Cup uraba mukanya saa tatu hagati ya Liverpool na Chelsea,Stephanie Frappart nk’umusifuzi mukuru w’umukino araba yungirijwe n’abasifuzi babiri aribo Manuel Nicolosi ndetse na Michalle O’Neill.

Abajijwe niba adatewe ubwoba nuko bashobora kuza kumuvugaho byinshi cyane cyane ku makosa ashobora kuza gukora, yavuze ko aricyo gihe ngo n’abasifuzi b’abagore berekane ko bashoboye nk’abagabo ndetse anavuga ko we abona bitagoye cyane kuyobora umukino w’abagabo.

Abandi basifuzi b’abagabao ndetse n’abatoza Jurgen Klopp utoza ikipe ya Liverpool ndetse na Lampard utoza ikipe ya Chelsea bagize icyo bavuga kuri uyu musifuzi w’umugore kuba agiye gusifura umukino w’abagabo ndetse unkomeye kurwego rw’Uburayi, gusa bose icyo bahurijeho nuko babyishimiye ko nubwo bitoroshye ariko ari amateka akomeye mu mupira w’amaguru.

Umusifuzi wo muri Turkiya Cuneyt  Cakir yagize ati:” Aba basifuzi batatu bafite umutima ukomeye, bafite imbaraga, ndetse ntibazuyaza gufata icyemezo rimwe na rimwe abantu banabona ko kidasanzwe, ati muzabibona ejo.”

Iki gikombe cya UEFA Super Cup ni igikombe kiba buri mwaka, gihuza amakipe abiri: iyatwaye Champions League ndetse n’iyatwaye Europa League byose nk’ibikombe bitegurwa n’ishyirahamwe ry’umupira w’amaguru ku mugabane w’Uburayi(UEFA). Ubu kikaba kigiye guhuza Liverpool yatsinze Tottenham ku mukino wanyuma wa Champions League na Chelsea yatsinze Arsenal ku mukino wanyuma wa Europa League.