October 24, 2021

Rwandanews24

Publishing Factual, verified and accurate stories

Nyuma y’umunsi1 Umunyamakuru Eric Kabendera aburiwe irengeroPolisi yavuze ko ariyo imubitse

YASUWE 19 

Kuri uyu wa mbere taliki ya 29 Nyakanga 2019, Umunyamakuru Eric Kabendera, asanzwe yandikira ibinyamakuru mpuzamakungu bitandukanye, birimo ‘The Guardian’ cyo mu Bwongereza yaburiwe irengero, afatiwe murugo iwe i Dar Es Salam n’abantu batandatu.

Ababibonye bavuga ko yabanje kwakwa terefone ye, n’iy’ umugore we.

N’abari aho igihe yafatwa bagafata n’amashusho y’ibyarimo kuba, batswe telefone zabo nk’uko bivugwa n’ikinyamakuru ‘The Citizen’.

Amakuru ya mbere yavuze ko yaba yarashimuswe.

N’ubwo  ubutegetsi ntacyo buravuga ku ifatwa rye, hari amakuru aturuka mu gipolisi avuga ko arimo arahatwa ibibazo ku ngingo zitaratangazwa.

Ubutegetsi bwa John Magufuri ntibworoheye itangazamakuru

Ishyirahamwe riharanira uburenganzira bw’ abanyamakuru  CPJ riratangaza ko ifatwa rye ari ikindi kimenyetso kije gushimangira ko ubutegetsi bwa perezida John Magufuri bubangamiye itangamakuru.

Kumbuga za twitter muri Tanzania hakomeje kuboneka intsindagirajambo #FreeKabendera#.

Abandika barasaba ko yarekurwa, bibutsa ibyabaye ku bandi banyamakuru nka Azory Gwanda wagiye ntiyongere kuboneka muri 2017, atwawe n’abantu batamenekanye.

Kuva afashe ubutegetsi muri 2015, amategeko agenga itangazamakuru yarakajijwe cyane, ibinyamakuru n’amaradiyo birahagarikwa.

Polisi ya Tanzania yemeje ko Kabendera yahamagawe kubazwa

Mu kiganiro kigenewe abanyamakuru i Dar es Salam, umukuru w’igipolisi Lazaro Mombosasa, yavuze ko Kabendera yari yanze kwitaba urwandiko rumuhamagaza.

Uwo mukuru w’igipolisi ntiyatanze igisubizo nyakuri ku kibazo cy’impamvu zatumye Kabendera ahamagazwa. Yavuze gusa ko kwari ukugirango abazwe ku bijyanye n’akazi ke hamwe n’imyirondoro ye.