October 22, 2021

Rwandanews24

Publishing Factual, verified and accurate stories

Menya ibyamamare ukunda byavutse kuri uyu munsi

YASUWE 24 

Uyu munsi taliki ya 28 Nyakanga, hari ibyamamare byizihiza isabukuru y’amavuko, turibanda kubazwi cyane haba mu mikino cyangwa muri muzika, niba uvuka kuri uyu munsi menya abo musangiye ibyo byishimo.

Duhereye ku mugabane w’Uburayi hari abakinnyi bagacishijeho mu mupira w’amaguru bavutse kuri uyu munsi:

  1. Michael Carrick

Uyu azwi cyane mu ikipe ya Manchester United yo mu gihugu cy’Ubwongereza yakiniye imyaka igera kuri 12 nk’umukinnyi mwiza cyane wo hagati mu kibuga, akanayibera Kapiteni, kuri ubu ni umutoza mu ikipe nkuru ya Manchester United.

Michael Carrick yavutse taliki ya 28 Nyakanga 1981 bivuze ko yujuje imyaka 38, yavukiye ahitwa Wallsend mu Bwongereza Yakiniye amakipe nka Westham(199-2004), akinira ikipe ya Tottenham(2004-2006)  ariyo yavuyemo aza mu ikipe ya Manchester United yanasorejemo umupira w’amaguru muri 2018 agahita ahabwa inshingano zo kuba umutoza wungirije w’ikipe ya Manchester United.

  1. Harry Kane

Harry Edward Kane ni umukinnyi ukinira ikipe ya Tottenham yo cy’Ubwongereza, yavutse taliki ya 28 Nyakanga 1993 akaba yujuje imyaka 25, yavukiye ahitwa Walthamstow mu Bwongereza

Yakiniye amakipe atandukanye yo mu gihugu cy’Ubwongereza nka Arsenal(2001-2002), Watford(2004) akaba yarayivuyemo ahita aza mu ikipe ya Totenham muri uyu mwaka wa 2004 aho yagiye atizwa mu makipe atandukanye yo mu gihugu cy’Ubwongereza nka Leister, Norwich City, Millwall, ariko aguma ari umukinnyi w’iyi kipe kugeza n’ubu.

  1. Pedro Rodriguez

Pedro Eliezer Rodriguez Ledesma ni umunya Espanye ukinira ikipe ya Chelsea yo mu gihugu cy’ubwongereza yavutse taliki ya 28 Nyakanga 1987, yujuje imyaka 32.

Pedro yavukiye ahitwa Santa Cruz de Tenelife muri Espanye yakiniye amakipe nka San Isidro ndetse na Barcelona (2004-2005) z’abatoya , yatangiye gukina mu ikipe nkuru ya Barcelona muri 2008 kugeza muri 2015 aho yavuye aza mu ikipe ya Chelsea ari nayo agikinira kugeza kuri ubu.

  1. Mathieu Debuchy

Debuchy ni mukinnyi w’ikipe ya Saint –etienne mu gihugu cy’Ubufaransa yavutse taliki ya 28 Nyakanga 1985, akaba yujuje imyaka 34. Yavukiye ahitwa Fretin mu Bufaransa.

Mathieu Debuchy yakiniye amakipe nka Lille (2003-2013), Newcastle (2013-2014), Arsenal (2014-2018) yaje kumutiza muri Bordeaux muri 2016, akaba yarerekeje muri Saint-Etienne muri 2018 avuye mu ikipe ya Arsenal yakiniye ikipe y’igihugu y’ubwongereza kugeza muri 2015.

  1. Casper Johansen(1988): Umukinnyi w’umupira w’amaguru ukomoka muri Danmark.

 

Hari ibindi byamamare byavutse ku munsi nk’uyu muri rusange bibarizwa mu bikorwa bitandukanye, muri abo twavuga nka:

  1. Soulja Boy: Umuhanzi w’umuraperi muri Leta zunze ubumwe za Amerika
  2. Abu Bakr al Baghdadi (1971): Umuyobozi w’umutwe wa Islamic State
  3. Alberto Fujimori (1938): Perezida wa 62 Wa Peru (1990-2000)

Perezida Hugo Chavez wahoze ayobora Venezuela yavutse taliki nk’iyi 1954, ubu aba yujuje imyaka 65.

Hugo Chavez yabaye Perezida wa 45 wa Venezuela kuva 1999 kugeza 2013, yapfuye taliki ya 5 Werurwe 2013 ku myaka 58 azize indwara ya Cancer.