October 20, 2021

Rwandanews24

Publishing Factual, verified and accurate stories

Christiano Ronaldo ayoboye urutonde rw’abakinnyi bayora agatubutse kuri Instagram.

YASUWE 26 

Umu nya Portugal Christiano Ronaldo ni uwambere ku rutonde rw’abakinnyi binjiza amafaranga menshi babikesha ababakurikira ku rubuga rwa Instagram aho arusha cyane Neymar na Lionel Messi bamuza hafi.

Uyu mukinnyi w’imyaka 34 kuri ubu ukinira ikipe ya Juventus yo mu Butaliyani, ukunzwe ndetse unakurikiranwa cyane n’abantu benshi ahantu henshi hatandukanye, akurikirwa n’abantu bagera kuri miliyoni 173, bivuze ko iyo ashyize ikintu ku rukuta rwe rwa Instagram gihita kibonwa na miliyoni 173 z’abantu bamukurikira.

Christano Ronaldo uyoboye abandi kuri instagram

Ibi bimwemerera kwinjiza asaga 50% kurusha undi mukinnyi uwariwe wese kuri iyi si, akaba yinjizana angana na £780,000 kuri buri kintu ashyize ku rubuga rwe rwa Instagram(post), hafi aho  akurikirwa na n’umu nya Brezil Neymar Jr. ariwe ugerageza kumuza hafi na £580,000 yinjiza kuri buri kintu ashyize kuri Instagram(Post)

Neymar Jr. uza kumwanya wa 2

Lionel Messi uri kure cyane ya Ronaldo mu kwinjiza amafaranga kuri uru rubuga, nubwo akenshi bikunze kugaragara nkaho baba bahanganye ahantu hose araza hafi aho ku mwanya wa 3 aho yinjiza £521,000, akubye hafi kabiri aya David Beckham uza ku mwanya wa 5 winjiza £287,000 buri uko agize icyo ashyira kuri Instagram, uyu nawe akaba aza imbere y’umustar wo muri NBA witwa Lebron James nawe ubasha kwinjiza £219,000.

Lionel Messi ku mwanya wa 3

Ibi biragaragara ko umupira w’amaguru uza ku isonga mu gukurikiranwa henshi ku isi kuko urutonde rwiganjemo cyane abakinnyi b’umupira w’amaguru baba abawukina kuri ubu n’abawusezeye.

Uko urutonde rumeze (mu madolari)

Nubwo Ronaldinho atakiwubarizwamo agaragara hafi aho, aho nawe abasha kwinjiza £206,000 buri uko agize icyo asangiza miliyoni 47 z’abantu bamukurikira hafi aho haza Gareth Bale n’abandi bagenda bagaragara muri uru rutonde nka Zlatan Ibrahimovic, Luis Suarez n’umukinnyi wa Cricket Virat Kohli.