October 16, 2021

Rwandanews24

Publishing Factual, verified and accurate stories

Isoni ni nyinshi kuri Manchester City yatwawe igikombe na Wolverhampton Wanderers

YASUWE 22 

Umukino wanyuma wahuzaga Man City na Wolves muri Premier League Asia Trophy 2019 hariya mu gihugu cy’Ubushinwa, iminota 90 yarangiye amakipe yombi aguye miswi aho haje guterwa penaliti bikarangira Wolves itsinze Man City ikanayitwara icyo gikombe bahataniraga.

Premier League Asia Trophy 2019 ni irushanwa ryabaga ku nshuro yaryo ya 9, aho kuri ubu ryahuzaga amakipe ane yo mu Bwongereza ariyo Manchester City, Newcastle United,Westham United,Wolverhampton  Wanderers kikaba ari ubwambere cyari gikiniwe mu migi ibiri hariya mu Bushinwa: Nanjing, Shanghai ryakinwe iminsi 3 gusa kuko riba rihuza amakipe makeya kuva 17/7/2019 kugeza 20/7/2019.

Ibyishimo byari byose kuba Wolves

Wolverhampton Wonderers yatwaye iki gikombe nyuma yo gutsinda Manchester City kuri Penaliti 3-2 za Manchester City ihita inegukana iki gikombe ku nshuro yambere.

Guardiola ntiyabyiyumvishaga

Uyu mukino wabonaga ko Manchester City yihariye umukino ku buryo bugaragara ariko gutsinda bikaba ikibazo kuko iyi kipe nayo ntabwo yaboroheye, Man City yari yitwaje abakinnyi bayo bose bashoboka ariko Wolves nayo yanze ibabera ibamba umukino wose urangira nta musaruro ugaragaye hakitabazwa penaliti nazo zitaje kuba umugisha ku ikipe ya Manchester City habe na gato.

Uko imikino yagiye ikinwa:

Imikino ya ½

Newcastle United 0-4 Wolverhampton Wonderers

Umusifuzi: Martin Atkinson(England)

Manchester City 4-1 Westham United

Umusifuzi: Craig Pawson(England)

Gukinira umwanya wa 3

Newcastle United 1-0 Westham United

Umusifuzi: Guan Xing(China)

Umukino wanyuma

Wolverhampton Wanderers 0-0 Manchester City

Penaliti:  Wolves 3-2 Manchester City

Umusifuzi: Martin Atkinson(England)

Abakinnyi babashije gutsinda ibitego byinshi muri iri rushanwa ni Diogo Jota(2), Raheem Sterling(2).

Iri rushanwa ryatangiye gukinwa bwambere muri 2003 rikaba ariryo rushanwa ryonyine ryo mu Bwongereza ribera hanze y’iki gihugu, ryatangiye ryitwa FA Premier League Asia Trophy riza kwitwa Barclays Asia Trophy kubw’impamvu za Barclays nk’umuterankunga kuva muri 2007, nyuma aho Barclays irangirije amasezerano nk’umuterankunga muri 2015 izina risubira kuba Premier League Asia Trophy kugeza ubu.

Iri rushanwa riba nyuma y’imyaka 2 rikitabirwa n’amakipe 4 yo mu Bwongereza, ikipe yatwaye iki gikombe inshuro nyinshi ni ikipe ya Chelsea igifite inshuro 2 ikaba ari nayo yagitwaye ku nshuro yambere muri 2003.