October 24, 2021

Rwandanews24

Publishing Factual, verified and accurate stories

Barcelona imaze gusinyisha rutahizamu Antoine Griezman kuva muri Athletico Madrid

YASUWE 20 

Ikipe ya Barcelona yo mu gihugu cya Espagne imaze kwemeza ko yasinyishije umufaransa Antoine Griezman wakiniraga ikipe ya Athletico Madrid, nyuma yo kumutangaho akayabo ka miliyoni 120 z’amayelo

Iyi kipe y’I Catalunya yemeje aya makuru ibicishije ku mbuga nkoranyambaga zayo. Antoine Griezman w’imyaka 28 y’amavuko, yasinyanye na FC Barcelona amasezerano azageza taliki ya 30/6/2024  anemeranya nayo ko indi kipe yamwifuza aya masezerano atarangiye izishyura miliyone 800 z’amayelo kugira ngo ibashe kuhamuvana.

Ibi bibaye nyuma yaho hari hamaze iminsi bihwihwiswa ko nubundi ashobora kuzayerekezamo, ibi byari byatangiye guhera mu mpeshyi y’umwaka ushize, gusa byaje gusa nkaho bicogoye ubwo Griezman yitangarije ko atazava muri Athletico Madrid.

Antoine Griezman wari umaze imyaka itanu muri iyi kipe ya Athletico Madrid yagezemomu mwaka w’imikino wa 2014 avuye muri Real Sociedad.

Yayifashije gutwara ibikombe bitandukanye

Yari amaze kuyitsindira ibitego 133 mu mikino 257 mu marushanwa yose yabashije gukinira iyi kipe.

Asanze muri FC Barcelona abakinnyi b’ibihangange nka Luis Suarez, Lionel Messi, biranavugwa ko mu minsi mike na Neymar Junior ashobora kuba ahasesekaye