October 19, 2021

Rwandanews24

Publishing Factual, verified and accurate stories

PSG :Neymar arashinjwa kutitabira imyitozo muri PSG mugihe yitegura shampiyona y’umwaka utaha

YASUWE 16 

Mu gihe ikipe ya Paris St-Germain ikomeje imyiteguro ya shampiyona league 1, Neymar ntiyagaragaye mu myitozo yabaye kuri uyu wa mbere taruk 8 2019.Ku magambo agaragara ku rukuta rwa twiter” Paris St-Germain yatangaje ko iza “gufata ingamba zikwiriye” nyuma y’uko rutahizamu wayo Neymar atitabiriye imyitozo ya mbere y’iyi kipe itegura imikino y’umwaka utaha w’imikino”.

Mukiganiro yagiranye n’ikinyamakuru  la Parisien,Uhagarariye siporo  Leonardo yavuzeko:”Neymar ashobora kuva muri PSG igihe haba habayeho ubwumvikane ku mpande zombi”

Yavuze ko kandi hari ibiganiro bagiranye n’ikipe ya Barcelona.

ati”Ariko kugeza ubu ntabwo tuzi niba hari ushaka kumugura ku kihe giciro. PSG irashaka kugendera ku bakinnyi bashaka kuguma mu ikipe bakubaka ikintu kinini “.

Bikomeje kuvugwa ko Neymar Junior, yaba ashaka gusubira muri Barça

Ibinyamakuru byo muri Brezili bivuga ko se wa Neymar yatangaje ko umuhungu we atitabiriye imyitozo y’ikipe ye kuko yari mu bikorwa byo gufasha abicishije mu kigo cyamwitiriwe, Neymar Institute.

yakomeje kandi avugako ibi bikorwa byateguewe mu gihe cy’umwaka ko batari kubyimura kubera ko Neymar azasubira mu ikipe ye ku itariki 15 y’uku kwezi.

Mu 2017, Nibwo Neymar yaje muri PSG avuye muri Barcelona aguzwe miliyoni 200 z’amadolari y’Amerika – akaba ari we mukinnyi waguzwe aka kayabo kugeza ubu ku isi.

Yatsindiye  iyi kipe ibitego 34 mu mikino 37 ya shampiyona, ariko amaze no kugaragara mu bikorwa binyuranye by’imyifatire idahwitse, harimo guhagarikwa imikino itatu kubera gusagarira umufana.

Neymar kandi ntabwo azakina imikino itatu y’amakipe yabaye aya mbere i Burayi kubera gutuka umusifuzi mu mikino iheruka.

Mu cyumweru gishize, Perezida wa Barcelona Josep Bartomeu yavuze ko Neymar ashaka kuva mu ikipe ya PSG kuri iyi mpeshyi.

Ibinyamakuru muri Espagne, byemeza ko Neymar yemera kugabanya ku mushahara we wa miliyoni 12 z’ama-euro ku mwaka kugira ngo agaruke ku kibuga Nou Camp cya Barcelona, aho yakinnye hagati ya 2013 na 2017.

Barcelona irashaka kandi kuzana rutahizamu w’umufaransa Antoine Griezmann imuvanye muri Atletico Madrid.