October 26, 2021

Rwandanews24

Publishing Factual, verified and accurate stories

FDLR mu mazi abira

YASUWE 26 

Mu rwego rwo kurandura imitwe y’iterabwoba yagize indiri Uburasirazuba bwa Kongo, mu gitero cyazigabweho kuwa kane taliki ya 4 Nyakanga 2019 cyafatiwemo umwe mu bayobozi bakomeye wa FDLR wari ushinzwe ishami rya politike n’ubutegetsi S5 Colonel MPAKANIYE Emilien CEGUEVARA yafashwe n’ingabo zishinzwe kurandura inyeshyamba zi korera muri Kongo.

Iyi mirwano yabereye ahitwa Kalake ni muri Kivu y’Amajyaruguru muri Teritwari ya Nyiragongo,  yahuje inyeshyamba n’ingabo za Operation SOKOLA yari ayoboye na FARDC ingabo za Rpublika iharanira Demukarasi ya Kongo zafashe Colonel MPAKANIYE Emilien CEGUEVARA nk’uko Rwanda Tribune yabitangaje ibikesha umuyobozi wa Sosiyete sivile muri ako gace.

Izi nyeshyamba zarekezaga I Masisi ahitwa Kinyina gushakira inzira abarwanyi ba P5 bayobowe na Major Faustin NKilikina wahoze muri Ex –FAR, aba barwanyi ba P5 bakaba baragotewe I Masisi n’ingabo za Operation ZOKOLA zishinzwe kurandura imitwe yitwaje intwaro muri Kivu y’Amajyaruguru, Iyi mirwano bivugwa ko yaguyemo abarwanyi ba FDLR batanu n’uwari uyoboye imirwano Col CEGUEVARA afatirwamo, ibi bije bikurikira ikindi gikorwa ingabo za RDC zafatiyemo uwari umuvugizi wa FDLR Ignace Nkaka Alias La Forge Bazeyi na Col Nsekanabo Jean Pierre Alias Abege.

Kongo yakomeje kuba indiri y’imitwe yitwaje intwaro irwanya ubutegetsi bw’u Rwanda,Uganda, n’Uburundi, hashize iminsi mike perezida Kagame agaragaje ko ashyigikiye iki cyemezo mugenzi we yafashe cyo kurandura izi nyeshyamba.

Icyo gihe yagize ati, “Twari tubitegereje, twishimiye kandi kuba hari umuntu uvuga ko yifuza gukorana n’abaturanyi mu kurangiza iki kibazo kuko kimaze igihe kinini; bigira ingaruka kuri Kongo, ku baturanyi bayo natwe twese. Nta mwanya dufite wo kwicara ngo tuganire kuri icyo kibazo n’uko cyakemuka. Twishimiye mu by’ukuri uburyo perezida wa Kongo yahisemo gushyira ibintu mu buryo ngo ikibazo kirangire.”

Ubwo yari yasuye agace ka Beni kuri uyu wa Kabiri taliki ya 2 Nyakanga 2019, Perezida Tshisekedi yatangarije abaturage baho ko ibiganiro yagiranye n’abaturanyi be, bigamije gushakira amahoro n’umutekano akarere muri rusange by’umwihariko RDC.

Icyo gihe yagize ati,“Icyo nababwira ku byerekeye umutekano ni uko nabanje guhura n’abaturanyi barimo u Rwanda na Uganda. Nabwiye aba baperezida ko niba turi abavandimwe ko twareka kwicana ubwacu. Iki nicyo gihe cyo guha abaturage bacu ibyo bakeneye kurusha ibindi aribyo amahoro n’umunezero. Dukwiye gukora ibishoboka byose tukabafasha. Banyijeje ko bazamfasha kugarura amahoro muri RDC.”