October 20, 2021

Rwandanews24

Publishing Factual, verified and accurate stories

Sudan: Abigaragambya basubiye mu mihanda

YASUWE 16 

Abandi bantu babarirwa mu bihumbi amacumi  ku cyumweru taliki ya 30 kamena 2019 basubiye mu mihanda mu murwa mukuru Kharthoum bamagana ubutegetsi bw’abasirikare, bamwe baricwa abandi barakomereka.

Ibiro ntaramakuru bya leta ya Sudani bivuga ko minisiteri y’ubuzima yemeje ko abantu barindwi aribo bapfuye naho 181 bagakomerekera muri iyo myigaragambyo.

Ishyirahamwe ry’abaganga muri Sudani rishyigikiye abigaragambya, ryatangaje ko abantu bagera kuri batanu biciwe muri iyi myigaragambyo.

Hagati aho, Radio ya leta ya Sudani yasubiyemo amagambo y’itangazo ry’inama ya gisirikare iri ku butegetsi muri iki gihugu ivuga ko izo mpfu z'”abashinzwe umutekano n’abigaragambya zigomba kuryozwa abigaragambya”.

Sudani ntiragira ituze kuva muri Mata 2019 nyuma y’ihirikwa ry’ubutegetsi bwa Perezida Omar al-Bashir, wari ubumazeho imyaka 30 akabuvanwaho n’igisirikare ku gitutu cy’abigaragambya.

Abanyasudani ntibashaka ubutegetsi bw’ igisirikare

Abaturage bakomeje kwigaragambya bamagana ko ubutegetsi bwahise bufatwa n’abasirikare bakanga kubuha abasivile.

Iyo myigaragambyo  ni yo ya mbere yitabiriwe n’abantu benshi cyane kuva haba iyo ku italiki ya 3 Kamena 2019 bivugwa ko yaguyemo abarenga 100 nk’uko tubikesha Financial Times.