October 22, 2021

Rwandanews24

Publishing Factual, verified and accurate stories

Abakinnyi 10 b’ibyamamare bazakurikiranirwa hafi mu gikombe cya Afrika cy’ibihugu (CAN 2019) Misiri

YASUWE 32 

• Mohamed Salah (Imyaka 27, Misiri)
Umunya misiri Mohamed Salah, ntagushidikinya azaba akurikiranwa cyane kurenza abandi igihe cyose iri rushanwa rizaba ririmo gukinirwa i misiri mugihugu cye, yitezweho kwitwara neza nyuma y’igikombe cy’isi 2018 kitamuhiriye, aho igihugu cye cyavuyemo kitarenze umutaru, azaba yugarijwe n’igitutu cy’abafana ba Misiri, ndetse n’abafana ba Liverpool akaba uyu mwaka yashoboye gutsindira Liverpool ibitego 27, anayifasha gutwara igikombe kirusha ibindi mu burayi nubwo bimeze gutyo uyu mukinnyi yerekanye urwego ruri hasi ku giti cye ugereranije n’umwaka ushize, ariko kubijyanye no guhuza umukino n’abagenzi be bakinana muri Liverpool yerekanye ko ari igihangange, bizasaba umutoza wa Misiri gukora cyane aguhuza umukino w’ikipe y’igihugu

Sadio Mané (Imyaka 27, Sénégal)
Uretse Salah, Sadio Mané nawe yagize uruhare runini cyane mu mikino ya Liverpool yayigejeje ku mukino wa nyuma w’igikombe kirusha ayandi yose muburayi, ikaba yaranagitwaye itsinze Tottenham ku mukino wa nyuma ibitego 2 ku busa, uyu mukinnyi kuva yagera muri Liverpool yakomeje kwigaragaza cyane kuburyo urwego rwe rwazamutse cyane, akaba yarashoboye gutsindira Liverpool ibitego 27 nka mugenzi Salah, ubu akaba ari mu bakinnyi bakomeye Liverpool ya Jurgen Klopp ifite, uku kwitwara neza no gutwara igikombe cya champions league biramugira umukinnyi ukomeye cyane uzakurikiranwa n’isi yose, gusa ikibabaje kuri Senegal nuko atazashobora gukina umukino wa mbere kubera ko afite amakarita 2 y’umuhondo yahawe ubwo bakinaga amajonjora yo kwitabira iki gikombe, akazagaragara ku mukinmo uzabahuza na Tanzaniya itariki 23/06/2019

.

• Riyad Mahrez (Imyaka 28, Algérie)
Mu itsinda C niho ikipe ya Algeriya ibarizwaho ikazahura na Senegal ya Sadio Mane bakinana muri Championnat imwe, uyu umunya misiri waguzwe na Man City muri sezo ishize ya 2018/2019, avuye muri Leicester, akaba yaratwaye igikombe cya shampiyona y’Ubwongereza, akaba yaranatwaye umupira wa zahabu wa Afurika 2016 (Ballon d’or africain 2016), uyu yamaze gutangaza ko batazababarira Kenya ku mukino wa mbere uzabahuza.

• Nicolas Pépé (Imyaka 24, Côte d’Ivoire)
Uyu n’umukinnyi wavumbutse akanamenyekana uyu mwaka, aho yafashije Lille kurangiza iri ku mwanya wa kabiri muri shampiyona y’ubufaransa (Ligue1), akaba yarayitsindiye ibitego 22, byanayifashije kubona itike yo gukina ligue des champions, Nicolas Pepe yahawe igihembo cyitiriwe Marc-Vivien Foe muri uyu mwaka, akaba yaranafashije ikipe ye y’Igihugu kubona itike yo gukina igikombe cy’afurika 2019, akaba yarayitsindiye ibitego bine mu mikino yo gushakisha itike.

• Hakim Ziyech (Imyaka 26, Maroc)
Umukinnyi ukina hagati mu ikipe ya Ajax Amsterdam yigaragaje cyane uyu mwaka muri shampiyona y’ikiciro cya mbere mu buholandi, aho yafashije ikipe ye gutwara igikombe cya shapiyona ndetse inagera muri kimwe cya kabiri cy’igikombe gisumba ibindi mu burayi Ligues des champions ku myaka ye 26 arigushakishwa n’amakipe menshi mu burayi, nyuma y’igihe atumvikana n’umutoza Herve Renard byatumye atagaragara mu mikino imwe n’imwe, ubu yagarutse kandi yiteguye kuzahangana na Namibia mu mukino ubanza uzabahuza ku itariki ya 23/06/2019

• Kalidou Koulibaly(Imyaka 27, Sénégal)
Uyu mukinnyi ukina inyuma mbere y’umunyezamu afatwa nka nk’umukinnyi ukina inyuma ukomeye kurusha abandi bakinnyi bakina inyuma muri afurika yose, kandi akaba atajarajara, aho abarizwa mu ikipe ya Naple kuva muri 2014, akaba azwiho ubuhanga bwo guhagarika imipira yo mukirere kandi azi kunyaruka cyane, kuri bamwe bemeza ko ari mu b’amyugariro beza bakina muri shampiyona ya Itale bita Serie A, ikindi azwiho nuko ajya yitabira imikino yose ikomeye Senegal imukeneraho

• André Onana (Imyaka 23, Cameroun)
Nka mugenzi we Hakim Ziyech, umunyezamu ukomoka muri Cameroun André Onana yagize sezo nziza cyane mubuzima bwe bwose amaze akina umupira w’amaguru, akaba yarigiye umupira w’amaguru mu kigo cya La Masia cya Fc Barcelone mugihe cy’imyaka ine, amaze guhamagarwa inshuro icyenda mu kipe ya Cameroun, ubwo azaba ari gukina umukino ubanza uzabahuza na Guinee Bissau, izaba ariyo inshuro ya cumi azaba akiniye ikipe ye.
• Whabi Khazri (Imyaka 28, Tunisie)

Ku myaka ye 28, umukinnyi ukina hagati asatira izamu, azwiho guhinduranya ama kipe cyane yo muri shampiyona y’abafaransa, akaba agiye kwitabira igikombe cy’afurika cy’ibihugu ku nshuro ye ya 3, ubu akaba akinira ikipe ya Saint-Étienne aho amaze kuyitsindira ibitego 15 na passé 10 zavuyemo ibitego, yafashije cyane iyi kipe ye kurangiza iri ku mwanya wa kane binayiha amahirwe yo kuzakina Europa league, Tuniziya ikazahura na Angola kuwa 24/06/2019.

• Cédric Bakambu (Imyaka 28, RD Congo)
Umu Kongomani ukinira ikipe yo mu bushinwa yitwa Beijing Guoan akaba yaraguzwe amadorari akabakaba miliyoni 72 niwe umukinnyi wa mbere uhenze mu mateka y’afurika, bivugwako yagiye mu bushinwa kubera amafaranga menshi yaguzwe akaba anahembwa menshi kurusha ayo yahembwaga muri Villareal, nubwo shapiyona y’ubishinwa iri hasi cyane ugereranyije niy’iburayi, uyu mukinnyi aracyari uwa mbere mubataha izamu mu ikipe ye ya Kongo Kinshasa, kuko niwe wabafashije kubona itike bamaze gutsinda Liberia igitego kimwe ku busa, yanatsindindiye ikipe ye ya Beijing Guoan ibitego 23 ku mikino 28 yayikiniye sezo ya 2018

• André Ayew (Imyaka 30, Ghana)
Ku myaka 30, André Ayew aracyari umukinnyi mwiza, uyu akaba anazwi cyane n’abanyarwanda, akaba yarakiniye ikipe ye y’igihugu bwa mbere mu mwaka wa 2007, niwe kapitene wa Black Stars ya Ghana nubwo atitwaye neza mu ikipe akinira ya Fenerbahce ntibizamubuza kuba umukinnyi uzakurikiranwa cyane akaba yarafashje Ghana mu gikombe cy’isi ubwo bageraga ku mukino wa kimwe cya kane cy’irangiza, umukino wa mbere azakina muri iri rushanwa nuzahuza Ghana na Benin kuwa 24 Kamena 2019
Gusa nubwo tubagejejoho abakinnyi 10 bazakurikiranwa cyane dukeka ko ari nabo bazitwara neza, ntibibujije ko hashobora kugira izindi mpano nshya zizavumbuka.