October 20, 2021

Rwandanews24

Publishing Factual, verified and accurate stories

Uwahoze ari umukinyi wa Arsenal Antonio Reyes yitabye Imana azize impanuka

YASUWE 20 

Ishyirahamwe ry’umupira w’amaguru mu gihugu cya Espanye by’ umwihariko ikipe ya Seville, ibabajwe no gutangaza urupfu rwa Jose Antonio Reyes wahoze ari umukinyi wa Arsenal yitbye Imana azize impanuka y’imodoka.

Ribinyujije ku rubuga rwayo rwa Twitter, bagize bati: “byatugoye gutangaza iyi nkuru mbi”. Ikipe ya Arsenal yatangaje ko yababajwe cyane n’urupfu rw’uwahoze ari umukinyi wayo.

Thierry Henry yakinanye nawe kuva mu mwaka wa 2004 kugera muri 2007 yamwise “umukinyi w’ ikirangirire, bakinanye neza kandi ko yari umuntu adasanzwe”.

Reyes na Thierry Henry muri Aesenal muri 2003-2004

“Ku rubuga rwe rwa Twitter yagize ati: ” Nifurije umuryango n’inshuti gukomeza kwihangana muri ibi bihe bigoye”.

Freddie Ljungberg nawe bakinanye, yavuze ko ababajwe cyane n’urupfu rw’uwahoze ari umukinyi mugenzi we, Jose Antonio Reyes. Yagize ati:”Agiye hakiri kare cyane, nifatanije n’umuryango we n’inshuti”.

Reyes yatangiyee gukina mu mwaka w’ 1999-2000 afite imyaka 16 y’amavuko akaba yariwe mukinyi muto cyane muri iyi kipe ya Seville.

Yinjiye mu ikipe ya Arsenal mu kwezi kwa Mutarama 2004, akaba yari umwe mu bakinyi ba Arsenal bazwi nka “les invincibles” (abadatsindwa) , nyuma y’aho batsindiye irushanwa ry’umupira w’amaguru w’Ubwongereza mu mwaka wa 2003-2004 batigeze batakaza umukino n‘umwe.

Byari ibintu bidasanzwe, bitari bwigere bibaho mu myaka 50 yose mu mateka y’iryo rushanwa ryo mu Bwongereza.

Mu mwaka ushize wa  2018, byaravuzwe ko Reyes yashatse kugaruka muri Arsenal, ariko aje gufashanya n’umumenyereza Unai emery, wigeze kumumenyereza muri Seville.

Antonio Reyes, atabarutse afite imyaka 35 y’ amavuko, akaba asize umugore Noelia Lopez n’abana 3  babyaranye, abakobwa 2 aribo Noelia na Triana,  n’umuhungu Jose Antonio Junior.